Safar Tamam Hoa by Rahat Jabeen.

Novel Review By Rabia Kashif.

سفر تمام ہوا از راحت جبیں
خواتین ڈائجسٹ جون 2005

ہمارے معاشرے کے ایک خوفناک پہلو کی نشاندہی کرتا راحت جبیں کا ایک بہت دلسوز ناول۔ یہ ایک ایسا ناول ہے جو آپ بنا اشک بہائے، نہیں پڑھ سکتے۔

پیدائشی ذہنی معذور رجا کے احساسات اور محسوسات کی مکمل عکس بندی، حقیقت سے قریب ترین منظر نگاری، معاشی حالات کے ستائے انوشے اور سمیع کی محنت اور جدوجہد کی ترجمانی، اس ناول کے چند ایسے عناصر ہیں جو آج بھی اپنے پڑھنے والوں کی آنکھیں نم اور دل بوجھل کر دیتے ہیں۔
بلاشبہ یہ بہترین ناولز میں سے ایک ہے۔۔

کہانی کا خلاصہ زیادہ نہیں بتاوں گی کہ اس میں سنسی خیزی کا عنصر یے اور کہانی بتا کر میں اس پر سے پردہ نہیں اٹھانا چاہتی۔
مختصرا یہ ایک متوسط طبقے سے تعلق رکھنے والے خاندان کی کہانی ہے، جس کا مرکزی کردار سترہ سالہ ذہنی معذور رجا ہے۔ جو اپنی پھپھو کے ہاں پرورش پاتی ہے۔ پھپھوزاد سمیع اور اسکی چچازاد انوشے اسکا ہر طرح سے بہت خیال رکھتے ہے۔۔
لیکن ایک ناخوشگوار واقعہ انکی زندگیوں میں خزاں کے ماتمی رنگ بکھیر دیتا ہے اور وہ مجرمانہ زندگی کزارنے پہ مجبور ہو جاتے ہیں۔

بہت سے اسباق لئے ہوئے، قارئین کو بہت کچھ سوچنے پہ مجبور کر دینے والا ایک اچھوتا ناول۔۔

#review_by_rabeya