Writer
Fakhra Jabeen is a well-known Urdu fiction writer admired for her heartfelt storytelling and emotionally engaging novels. Her writing beautifully explores family relationships, love, trust, sacrifice, and the realities of everyday life. With a simple yet captivating style, she creates memorable characters whose journeys leave a lasting impression on readers.
Over the years, Fakhra Jabeen has earned a special place among Urdu literature enthusiasts through her meaningful stories and relatable themes. Her novels continue to attract readers who enjoy social, romantic, and family-based fiction filled with emotions, values, and inspiring life lessons. Her work remains a cherished part of contemporary Urdu digest literature.
Novel Description
Review By Rabia Kashif
ناول: چاندنی میں نہائی رات
مصنفہ: فاخرہ جبیں
اشاعت :خواتین ڈائجسٹ جنوری 2002
ابتدائی پیرا میں ساون کی بارش، بجلی کی گھن گرج، باغ اور درختوں کا ذکر پڑھتے ہی ہمیں یہ یاد دلانے کے لئے کافی ہے کہ ہم کس کی تحریر پڑھنے جا رہے ہیں۔
بالکل! فاخرہ جبیں جبیں کے مخصوص انداز تحریر کے ساتھ ایک یادگار اور خوبصورت ناول۔
چند کرداروں کی دلچسپ کہانی اور بدلتے موسموں کی دلفریب منظر کشی کو ایک ساتھ ایک ہی جگہ پہ سمو لینا بلاشبہ فاخرہ جبیں کی ہی کاریگری ہے۔
سالوں پہ محیط یہ “کہانی”، جو شروع ہوتی ہے بارش کے خوف میں چیختی ہوئی چھوٹی سی ماہین سے، جسکی دلجوئی “چاند بھیا” کرتے ہیں۔ جو باغ والے اس گھر میں رہائش پذیر ہیں اور انکے ساتھ روا رکھا جانے والا “نجمہ خالہ” کا اذیت پسندانہ رویہ ناول کے آغاز سے ہی قاری کو مخمصے میں ڈال دیتا ہے۔۔
کہانی کا خلاصہ واضح کروں تو والد کی وفات کے بعد بڑے ماموں اور چھوٹے ماموں کی فیملیز کے درمیان پرورش پانے والی “ماہین” کو گرجتے چمکتے بادلوں کا خوف اور کزن “محب” کی بے تکی شرارتیں چاند بھیا سے دوستی کرنے پہ مجبور کر دیتیں ہیں اور پھر یہ دوستی بڑے ہونے تک ایک بیحد پرخلوص اور بے غرض رشتہ میں بدل جاتی ہے۔
بچپن میں رگ شرارت رکھنے والا محب جوانی کی دہلیز پار کرتے ہی ماہین سے محبت کرنے لگتا ہے جبکہ بڑی ممانی کا رجحان اپنی بھانجی کی جانب ہوتا ہے۔
ماہین کے چاند بھیا کو اکثر خالہ نجمہ کے اذیت ناک برتاؤ کا سامنا کرنا پڑتا ہے اور وہ چپ چاپ برداشت بھی کرتا ہے مگر ایک دن بات بڑھ جانے پہ مجبور ہو کر وہ گھر چھوڑ کر چلے جاتے ہیں۔
ناول کا ایک اور بہت خوبصورت کردار “رتو” جو ماہین کی دوست اور نکی بوا کی نواسی ہے۔ اپنے جذبوں و احساسات کا والہانہ اظہار کرتی دکھائی دیتی ہے۔
ماہین، رتو اور چاند بھیا کے مابین کمیسٹری ناول کا انتہائی پرکشش حصہ ہے۔۔
کہانی میں تجسس ہے، رشتوں کا احترام اور عزت میں لپٹی محبت ہے۔ ایک حقیقی ٹچ کے ساتھ بہت نرمی اور آہستگی سے کہانی آگے بڑھتی ہیں اور ہمیں اپنے سحر میں جکڑ لیتی ہے۔۔۔
بے انتہا خوبصورت انداز بیان کے ساتھ بلاشبہ فاخرہ جبیں کے بہترین ناولز میں سے ایک ہے۔
ضرور پڑھیں۔
#review_by_rabeya