Bhaid Mohabbat Kay By Saima Akram Chaudhary.

Novel Lines

محترمہ آپ سے پوچھا گیا ہے کہ ٹینس بال کا وزن کتنا ہوتا ہے؟”اس کے طنزیہ لہجے پہ اریشہ نے بھی اپنے کوفت بھرے تاثرات کو چھپانا مناسب نہ سمجھا۔
“آئی ڈونٹ نو۔”اس نے خشک لہجے میں جواب دیا۔شدید غصے کی لہر سے اپنے وجود میں دوڑتی ہوئی محسوس ہوئی۔اس کے اگلے سوال پہ وہ پھر چونکی جو بڑے پرسکون لہجے میں پوچھ رہا تھا۔
“غزوہ بدر کس سن میں ہوا؟”
اریشہ نے اپنی کرسی پہ بےچینی سے پہلو بدلا۔یہ تو طے تھا کہ عون جاوید آج اگلی پچھلی ساری کسر نکالے گا۔
“محترمہ کیا آپ بتاسکتی ہیں کہ پاکستان کی سب سے بلند چوٹی کےٹو کی بلندی کتنی ہے؟”
اریشہ کا خون کھول اٹھا۔اس کا جی چاہا منہ پھاڑ کر کہے کہ “تمہاری زبان سے تو تھوڑی کم ہی ہوگی۔”لیکن اس نے خود کو بمشکل کنٹرول کرتے ہوئے خشک لہجے میں کہا۔
“مجھے یاد نہیں۔”
عون نے اس کا سرخ پڑتا چہرہ غور سے دیکھا اب کی بار اس کا لہجہ اریشہ کو صاف صاف مزاق اڑاتا محسوس ہوا۔
“بلوچستان کا رقبہ کتنا ہے؟”
اس بار اریشہ کے ضبط کا دامن ہاتھ سے چھوٹ گیا۔اس نے گود میں رکھا ہینڈ بیگ سامنے ٹیبل پہ رکھا اور بڑے ریلیکس انداز میں کرسی سے پشت ٹکائی اور طنزیہ انداز میں کہا۔
“سر کیوں نہ پہلے یہ طے کرلیا جائے کہ مجھے اس آفس میں اکاؤنٹس آفیسر کی سیٹ کیلیے کال کیا گیا ہے یا گیلانی انڈسٹریز میں جاب کرنے والے لوگوں کو اسلامیات اور پاک سٹڈی پڑھانے کیلیے لایا گیا ہے۔” عون کا چہرہ ایک لمحے کیلیے تاریک ہوا تھا۔

Download link

BHAID MOHABBAT KAY BY SAIMA AKRAM CHAUDHARY

Novel Description

ناول: بھید محبت کے
مصنفہ: صائمہ اکرم چوہدری
اشاعت: شعاع ڈائجسٹ، نومبر 2007

Hero Boss Based | Funny 😍

Cute Love Story 👌🏻👌🏻❤️🥰

کہانی کی ہیروئن اریشہ کے والد نے اپنی پہلی بیوی کے بعد دوسری شادی اپنی یونیورسٹی کی ساتھی سے کی تھی۔ پہلی بیوی دراصل ہیرو عون کی خالہ ہوتی ہیں۔ اسی وجہ سے خاندان میں شروع سے ہی کچھ تلخی اور فاصلے موجود رہتے ہیں۔
اریشہ کی والدہ کو سسرال والوں نے کبھی دل سے قبول نہیں کیا، اسی لیے وہ لوگ الگ رہتے ہیں۔ یہی وجہ ہے کہ اریشہ کے دل میں اپنے ددھیال کے لیے زیادہ محبت نہیں ہوتی اور وہ ان سے فاصلہ رکھتی ہے۔
وقت گزرنے کے ساتھ اریشہ ملازمت کے لیے ایک ادارے میں آتی ہے، مگر وہاں اس کے لیے حیرت کا ایک نیا موڑ انتظار کر رہا ہوتا ہے۔ اس کا کزن عون اس کمپنی میں اس کا باس نکلتا ہے۔ عون کا سنجیدہ مگر شرارتی انداز اریشہ کو اکثر تنگ کرتا رہتا ہے۔ دونوں کے درمیان نوک جھونک، ہلکی پھلکی چھیڑ چھاڑ اور دلچسپ مکالمے کہانی کو بہت دلنشین بنا دیتے ہیں۔ 😄
آہستہ آہستہ یہ چھیڑ چھاڑ اور تلخی ایک خوبصورت احساس میں بدلنے لگتی ہے۔۔۔۔ ❤️

Happy Ending 🥰👩‍❤️‍💋‍👨