Wo Ek Shakhs By Mariam Aziz.

Novel Lines

میں بہت عام سی لڑکی ہوں جو آپ جیسے شخص کے بالکل قابل نہیں ۔ آپ کے لیے آپی جیسی لڑکی ہونی چاہیے ہر لحاظ سے پرفیکٹ۔ آپ آپی سے شادی کرکے خوش رہیں گے۔” یہ سب بولنے کے لئے جتنی ہمت اس کو درکار تھی یہ صرف وہی جانتی تھی لیکن مقابل کھڑا شخص کوئی ردعمل ہی نہیں دے رہا تھا۔ اسے برا بھلا کہے کہہ دے کہ وہ سچ میں اس کے لائق نہیں کہ اس سے شادی کی جائے۔
“اپنے گھر والوں میں تم بھی شامل ہو۔”فاطر کی طرف سے سوال آیا تھا۔وہ خاموش رہی تھی۔
“کچھ پوچھا ہے میں نے۔”اب کی بار وہ اتنی ذور سے بولا کہ وہ اپنی جگہ سے ہل سی گئی۔اس کی ساری ہمت ڈگمگا گئی تھی۔اس کا سر اثبات میں ہلا تھا۔
ی”یہ وہی ہے نا جو تم سے اظہار محبت کررہا تھا۔”وہ دو قدم کا فاصلہ طے کرتے بلکل اس کے مقابل آکر کھڑا ہوگیا۔ذہرہ بےساختہ پیچھے ہٹی تھی۔


“آپ پلیز آپی سے شادی کرلیں۔”ذہرہ بھیگی آواز میں بولی۔
“اپنا مشورہ اپنے پاس رکھو۔تم کون ہوتی ہو یہ فیصلہ کرنے والی کہ مجھے کیا کرنا چاہیے اور کیا نہیں۔”
وہ کہ کر تیزی سے باہر کی جانب بڑھا۔
“بات سنیں فاطر بھائی پلیز آپی سے۔”وہ جو اس کے پیچھے بھاگی تھی اس کے ایکدم رکنے پہ بری طرح اس سے ٹکرائی تھی کہ درد کی شدت سے وہ بےساختہ اپنا ماتھا سہلانے لگی تھی۔
“آج تو تم نے مجھ سے یہ بات کرلی آج کے بعد میں تمہارے منہ سے اپنا نام تک نہیں سننا چاہتا اور آج کے بعد میرے سامنے مت آنا ورنہ بہت برا ہوگا۔”وہ چلا گیا تھا اور خود پہ اس کا ضبط ختم ہوگیا تھا۔اس نے روتے ہوئے مڑ کر دیکھا۔لاؤنج کے دروازے میں عفراء کھڑی تھی۔اس کی دوست اس کی ہم راز وہ تو اس کی تکلیف سمجھے گی نا یہی تصور کرکے وہ اس کی طرف بڑھی لیکن تین قدم کے فاصلے پہ جیسے اس کے پیروں کو کسی نے زمین پہ جکڑ لیا۔عفرا اندر چلی گئی تھی اور اپنے پہچھے اس نے ذور سے دروازہ بند کیا تھا اور وہ بند دروازہ اسے کسی تھپڑ کی طرح اپنے وجود پہ لگتا ہوا محسوس ہوا تھا۔

Read More

WO EK SHAKHS BY MARIAM AZIZ

Novel Description

ناول: “وہ اک شخص”

مصنفہ :مریم عزیز

اشاعت: شعاع ڈائجسٹ فروری 2019

یہ کہانی ایک ایسی لڑکی کی ہے جس کی زندگی بظاہر نارمل مگر اندر سے ٹوٹی ہوئی ہے 💔۔ ہیروئن کے والدین نے محبت کی شادی کی ہوتی ہے، مگر وقت کے ساتھ ان کے درمیان محبت ختم ہو جاتی ہے اور گھر کا ماحول کشیدہ ہو جاتا ہے۔
ہیروئن کی ایک بڑی بہن بھی ہوتی ہے جو اپنے والد کی لاڈلی اور نہایت خود پسند مزاج رکھتی ہے 😒۔ اس کے برعکس، ہیروئن کو گھر میں وہ توجہ اور محبت نہیں ملتی جس کی وہ حقدار ہوتی ہے، اسی لیے وہ زیادہ وقت اپنے پڑوسیوں کے گھر گزارتی ہے 🏡۔

پڑوسیوں کا گھر محبت، خلوص اور اپنائیت سے بھرپور ہوتا ہے ❤️۔ ان کی بیٹی ہیروئن کی بہترین دوست بن جاتی ہے جبکہ ان کے دو بیٹے ہوتے ہیں، جن میں سے ایک ہیرو ہوتا ہے۔ بچپن کی دوستی وقت کے ساتھ جوانی میں بدلتی ہے اور ہیرو کے دل میں ہیروئن کے لیے محبت پیدا ہو جاتی ہے 💕۔

یونیورسٹی کے دنوں میں جب یہ جذبات واضح ہونے لگتے ہیں، تو ہیروئن کی بڑی بہن کو اس بات کا علم ہو جاتا ہے۔ انہی دنوں ہیروئن کے لیے ایک کلاس فیلو کا رشتہ بھی آ جاتا ہے 💍۔
حسد اور انا میں ڈوبی بڑی بہن ایک خطرناک کھیل کھیلتی ہے 😠۔ وہ ہیروئن پر دباؤ ڈالتی ہے کہ وہ اس رشتے کو قبول کر لے اور ہیرو کو اس (بڑی بہن) سے شادی کے لیے آمادہ کرے۔ جب ہیروئن انکار کرتی ہے، تو بڑی بہن اسے تیزاب پھینکنے کی دھمکی دیتی ہے 😨۔
خوف اور مجبوری میں گھری ہیروئن ایک مشکل مرحلے سے گزرتی ہے، مگر کہانی آگے بڑھتے ہوئے امید کی کرن دکھاتی ہے 🌸۔
Happy Ending ❤️👩‍❤️‍💋‍👨